Twitter Ne Abhijeet Ko Dusri Baar Laat Maar Kar Nikala

Agar online trolling ki baat nikle toh singer Abhijeet Bhattacharya ka naam sunehre aksharo mein likha jaana chahiye. Inko Twitter ne May 23, 2017 ko dhakkay maar kar apne Social Networking Site se nikaala tha kyunki unhone aurto ke khilaaf badsoolooki bhare messages post kiye the, khaas kar ke JNU Student-activist Shehla Rashid ke liye.

Abhijeet boodhay ho gaye hai aur unki aawaaz bhi boodhi ho gayee hai unke saath saath. Iss boodhi aawaz ne jis abhineta SRK ke liye playback diya tha, ab woh bhi boodhe ho gaye hai, toh zaahir si baat hai Abhijeet ko kaam nahi mil raha hai. Unke andar ka frustration dil se nikal ke unki fingers pe aane time nahi lagta, isiliye jab dekho woh anaap shanaap messages type karte rehte hai. Pehle Atif Aslam ki aawaz popular hone par Abhijeet jal jal ke kaale ho gaye the aur fir Karan Johar ki success par. Karan Johar ne kabhi Abhijet ko bhaao nahi diya tha isliye woh Karan ke khilaaf bhi Tweet karte dikhe last year.

Twitter ko kaafi complaints aayi thi Abhijeet ke khilaf aur isiliye Twitter ne Abhijeet ko tata bye bye kar diya tha May 23, 2017 ko. But Abhijeet mein sharam naam ki cheez toh hai nahi, unhone dobara Twitter account banaya aur is martaba unki id thi "@singerabhijeet", bus hona kya tha Twitter walo ne apne jhaadooo nikaali aur safai abhyaan mein Abhijeet ko dusra account bhi nikaal diya.

Umeed karte hai ki itni zillat sehne ke baad Abhijeet mein thodi self respect aayi hogi aur woh dobara Twitter pe aane ki galti nahi karenge.